Kavarar frá Fuglafjarðar sløkkiliðið høvdu, í góðveðrinum í morgun, eina venjing saman við fólkum frá kavaraskúlanum Faroe Dive og Fuglafjarðar Havn.
Venjingin fór fram á bryggjuni í Fuglafirði, har tvíkiljurnar hjá KJ liggja. Uppgávan var at burturbeina gomul fríhold (dekk) sum lógu á botninum.
Tveir kavarar vóru sendir niður, og eftir umleið einum tíma, høvdu teir fingið fatur á 12 fríholdum (dekkum).
Sagt verður, at hetta er ein liður í at venja samskifti og tekniskar førleikarar hjá pørtunum.
Kava verður aftur í morgin og uppgávan verður áleið tann sama, verður upplýst fyri Eysturoyarportalinum.
Myndir: Eysturoyarportalurin
Deil á Facebook
