Tíðindaskriv
Trygd og Badmintonsamband Føroya hava nú undirskriva 2 ára avtalu, har Trygd er høvuðsstuðul hjá okkara ítrótti í 2 ár.
Seinnu árini hevur verið góð tilgongd til badmintonítróttina, og eiga vit føroyskar badmintonleikarar, sum fáa góð úrslit, tá tá tey eru uttanlands til kappingar. Somuleiðis er Badmintonsambandið í einari tilgongd, at seta nýggjan landsliðsvenjara.
Tí er vit í Badmintonsambandinum sera fegin um stuðulsavtaluna við Trygd, sum leggur tryggar karmar um okkara virksemi at menna badmintonítróttina, og vit gleða okkum til góða samstarvið við okkara nýggja høvuðsstuðul.
Badmintonsamband Føroya sær fram til eitt spennandi ár við nýggjum og spennandi avbjóðingum, og takkar Trygd fyri at vilja vera við á ferðini saman við okkum.
Deil á Facebook
