Tíðindaskriv
Nú nærkast til 23 mai tá Sandoy Hálvmaraton er á skránni. Aftur í á er møguliga at velja millum tríggjar teinar, sum allir kunnu rennast ella gangast.
Teinur 1 sum er Hálvmaraton teinurin, er 21,1 km og er hann runt byrgdina á Sandi, til Søltuvíkar og aftur og runt Sands vatn, enda verður sama stað har byrja verður við kommunuskrivsstovuna á Sandi.
Teinur 2 er til Søltuvíkar og aftur, hesin teinurin er 10.9 km
Teinur 3 er runt Sands vatn, hesin teinur er 6,8 km.
À øllum teinunum eru postar við vartn og frukt til allir luttakarar.
À málinum fáa øll heiðursmerkir og ábit frá Mowi. Eisini er eitt stórt hoppiland, úti café, matsøla og livandi tónleikur har millum annað Bjarki V Trondesen fer at framføra.
Hvør hevur ikki hoyrt um Sandsvatn, Gróthúsvatn, Sandafløttin, Søltuvík og onnur vøkur støð á Sandi? her hevur tú møguleikan at uppliva øll á sama túrið.
Hetta er ein dagur fyri øll, tann seriøsa rennaran – familjuna – arbeiðsplássið – og annars øll sum vilja verða við til eitt hugnaligt tiltak.
Møguleiki at melda til er á atgongumerki.fo
Deil á Facebook
