Mynd: Breiðablik
Lengjubikarinn fór av bakkastokki í dag. Tað er ein av steypakappingunum í Íslandi, sum eisini verður nýtt til venjingardystir upp til sjálva landskappingina.
Breiðablik, við føroyinginum Klæmint A. Olsen og Patrik Johannesen tóku ímóti Selfossi, í innandura høllini hjá Breiðabliki í Fífuni.
Breiðablik vann dystin 3-1, har Klæmint hevði eina assist til málið hjá Patrik.
Við Eysturoyarportalin, sigur Klæmint um sjálvan dystin soleiðis; Ein fínur dystur, har vit dominera allan fyrra hálvleik, men fáa bara eitt mál. Teir fáa mál, í stórt sæð, einasta kjansinum teir hava. So alt í alt ein góður sigur, har vit eru greitt omaná í spæli og málkjansum. Persónliga gekk fínt hjá mær, men eg brendi tíðanverri onkran stóran kjans.
Næsti dysturin hjá Breiðablik er fríggjadagin 10. februar á heimavølli móti Kórdreingir.
Deil á Facebook
