Fyrsta flagið loyst til verkætlanina Eyðabø

Sjúrður Holm, stjóri í P/F Búsetur, Per Martin Gregersen, borgarstjóri í Eysturkommunu og Dávid Jacobsen, nevndarformaður í P/F Varðin (Mynd: Eysturoyarportalurin)

Í morgun var fyrsta flagið til verkætlanina Eyðabø, sum liggur upp at eldrasambýlinum í Norðragøtu, loyst. Tað var borgarstjórin í Eysturkommunu, Per Martin Gregersen, og Dávid Jacobsen, nevndarformaður í P/F Varðin, sum loystu flagið.

Tað er P/F Varðin í Gøtu sum stendur fyri verkætlanini. Og verður tað byggifyritøkan P/F Búsetur sum kemur at standa fyri sjálvum arbeiðinum. Meðan Sp/f Henning Larsen arkitektar hava tekna.

Eftir ætlan verða 28 leiguíbúðir og 6 lutaíbúðir – 34 íbúðir í alt.

Avtala er gjørd um samstarv um nakrar av íbúðunum, at nýta sum eldrabústaðir, umvegis Eysturkommunu.

Arbeiðið fer væntandi at taka uml. 2 ár.

Myndir & video: Eysturoyarportalurin