Tíðindaskriv
7. september verður tiltak á Eiði, í samband við, at Korndalsbýlið á Eiði verður 25 ár.
Á skránni verður m.a. tónleikur og sangur, barnatiltak og málningauppboðssøla. Millum teirra, ið fara at
framføra eru Tær 4, Magni Christiansen, Jens Marni og onnur. Í kirkjuni verður syngið við, her eru øll
vælkomin, eisini uttan atgongumerki.
Kornsdalsbýlið hevur verið eitt stórt frambrot fyri eldraøkið, her norðuri á Eiði. Nú 25 ár eftir, tænir tað enn
væl sínum endamáli. Búfólk, avvarandi og starvsfólk trívast væl her. Fólk detta inná gólvið til eina stutta vitja,
ein drekkamunn og eitt prát. So Korndalsbýlið er at kalla eisini ein savnandi miðdepil í bygdini.
Korndalsbýlið liggur mitt í bygdini. Barnagarðurin, fótbóltsvøllurin og ítróttarøkið eru beint við. Tí ber eisini
væl til at skipa fyri tiltøkum í økinum.
Tað eru Varna av Rana og Joan Hammer, starvsfólk á Korndalsbýlinum, sum skipa fyri tiltakinum, og tær siga
soleiðis, um hví tær skipa fyri Foratónum:
”Vit ynskja at gera ein tónleikafestival, tí vit hava sæð við øðrum tiltøkum, ið vit hava havt, at tað gevur
hugna, samanhald og trivna. Ein hittir fólki, sum man ikki hevur sæð í langa tíð. Hetta gagnar bæði
búfólkum, avvarandi, starvsfólkum og bygdafólkunum.
Sum samskipari er tað fantastiskt, at síggja gleðina hjá búfólkunum og avvarandi undir tiltøkunum, har tey
kunnu vera saman og uppliva nakað saman. Vit síggja eisini, at búfólk og avvarðandi gleðast um hesar
løturnar, sum tey kalla stjørnuløtur.”
Atgongumerki til Foratónar fáast á atgongumerki.fo
Tórgerð Jallgrímsdóttir, deildarleiðari á Korndalsbýlinum
Deil á Facebook
