Mynd: Gjáarvegur í morgun (Landsverk)
Vit skriva í dag 26. apríl. Lombini eru antin komin ella koma næstu dagarnar. Hetta er eisini 116 dagur í hesum árinum.
Landsverk boðar frá á heimasíðu síni, at roknast kann við hálku ymsastaðni. Og veðurforsøgnin hjá føroysku veðurstovuni sigur, at tað verður í dag eitt frískt lot til frískan vind norðan, 5 til 10 m/s, sólglottar og okkurt ælið við kava ella vátaslettingi, í støðum heglingi. Hitin í dag verður millum -2 og 4 stig. Fyrrapartin í morgin, lot til frískt lot av landnyrðingi, 3 til 8 m/s, skiftandi skýloft og sum frá líður kavi ella vátakavi norðaneftir. Hitin verður millum frostmarkið og 4 stig.
Deil á Facebook
