Mong mundu undrast, tá ið tey sóu stóra og undrunarsama skipið koma skúmandi gjøgnum Djúpini seinnapartinn í dag.
Skipið sást ikki á MarineTraffic og eingin kunning er ei heldur komin frá landsins mynduleikum um hvat skip talan er og um hvat ørindini eru í Føroyum.
Sambært Norðlýsinum, so er talan um skipið Monge – eitt av mest serligu skipunum í franska flotanum, eitt hátøkniligt mátingar- og eftirlitsskip, sum verður brúkt til at fylgja við rakettroyndum, missilskipanum og virksemi í rúmdini.
Skipið er 225 metur langt og sjósett í 1990.
Deil á Facebook
