Fimleikafelagið Støkk
Um páskirnar hava Smágentur Vióla og Vípan, Gentur Lilja og Svalan, og Kvinnur Rósan luttikið í estetisku kappingini Easter Cup í Greve.
Øll liðini høvdu sera flottar og sannførandi framførslur, og tað var ein fragd at síggja teirra menning á gólvinum.
Víðari til finaluna komu Smágentur Vióla, Gentur Lilja og Kvinnur Rósan. Í finaluni megnaðu tær at aftur at levera sannførandi framførslur, og úrslitini vóru sera góð.
Túrurin eydnaðist avbera væl, og hava allir íðkarar, venjarar og samskiparar fingið nógv góð minni og upplivingar við heim.
Myndir: Støkk
Deil á Facebook
