Tíðindaskriv/ADHD felagið
ADHDvitan eru evnisdagar, har vit bjóða granskarum, fakfólkum og øðrum lyklapersónum at fara í djúpdina innan evnir, ið hava við ADHD at gera.
Okkara næsta tiltak verður:
• Leygardagin tann 11. apríl kl. 15:00-17:45 í auluni á Finsen í Havn.
Tórunn H. Ósá leggur fram nýggj tøl úr sínari Ph.d.-verkætlan.
Tórunn er RN, cand.scient.soc., námslektari og Ph.d.-lesandi, og granskar í børnum við neurologiskum sjúkum í Føroyum – serliga svøvntrupulleikum hjá børnum við NDD. NDD (nevroútviklingstrupulleikar) er eitt felagsheiti fyri ymiskar diagnosur, sum ávirka menningina hjá børnum – til dømis ADHD og autisma.
Tórunn fer millum annað at greiða frá títtleikanum av ADHD og autismu hjá børnum og ungum í Føroyum frá 2004 til 2022, og hvørjar fylgisjúkur kunnu standast, tá útgreiningin kemur ov seint.
Samstundis vísir granskingin á týdningin av, at seta inn so tíðliga sum gjørligt – bæði fyri einstaka menniskjað og samfelagið.
Við hesi Ph.d.-granskingini fáa vit lokalt grundað hagtøl, djypri innlit og betri amboð, sum kunnu hjálpa okkum at seta inn við meira neyvum og røttum átøkum til gagns fyri øll við ADHD í Føroyum.
Endamálið við ADHDvitan er, at breiða nýggjastu granskingina og fakligu vitanina um ADHD á føroyskum og við støði í føroyskum viðurskiftum.
ADHDvitan er sostatt ein virðismikið og týdningarmikil liður í okkara arbeiði at breiða ADHDtilvit.
Vit bjóða granskarum, fakfólki & øðrum lyklapersónum, at fara í djúpdina innan evnir, ið eru við til at hjálpa børnum við ADHD/ADD.
Málbólkurin eru øll, ið hava áhuga ella arbeiða við fólkum við ADHD/ADD.
Okkara ynski við nýggja átakið er, at breiða út nýggjastu granskingina og fakligu vitanina umADHD á føroyskum og við støði í føroyskum viðurskiftum.
TILTAKIÐ ER ÓKEYPIS
Øll eru hjartaliga vælkomin.
Deil á Facebook
