Fótbóltsfelagið í Eysturkommunu hevur í kvøld havt aðalfund.
Felagið skrivar soleiðis:
Mánakvøldið 12. februar var árligi aðalfundurin hjá Víkingi. Gleðiligt var at síggja at uppmøtingin var góð.
Árant Hansen varð valdur til fundarstjóra og Elin Vatnhamar Olsen til skrivara.
Skráin til fundin var sambært viðtøkum felagsins.
Formaðurin Brandur Jacobsen greiddi frá gongdini í felagnum – bæði bygnaðarliga og ítróttaliga.
Vit eiga ein góðan felagsskap, vid umleið 450 aktivum limum – 300 børnum og 150 vaksnum.
Grundarsteinurin í felagnum er framvegis tað sjálvbodna arbeiðið, har vit eiga eitt ótal av fólkið, sum leggja arbeiði í Víking – saman lyfta vit felagsskapin.
Roknskapurin var lagdur fram og góðkendur.
Tríggir nevndarlimir stóðu fyri valið; Hanna E. Olsen, Petur Asbjørn Lervig og Jákup Poulsen.
Jákup Poulsen stillaði ikki uppaftur, og fyri hann bleiv Edith Dam Vang vald inn i nevndina.
Eftir aðalfundin skipaði nevndin seg soleiðis:
Brandur Jacobsen, formaður
Hanna Erlingsdóttir Olsen, næstforkvinna
Elin Vatnhamar Olsen, skrivari
Jeffri Olsen, nevndarlimur
Edith Dam Vang, nevndarlimur
Petur Asbjørn Lervig, nevndarlimur
Vit takka Jákupi fyri hansara stóra arbeiði í nevndini seinastu mongu árini.
Nú síggja vit fram til kappingarárið 2024!
Deil á Facebook
