Sambært Vørn, so hava tveir trolarar havt maskinbrek seinastu dagarnar.
Mánanáttina fekk MRCC boð um, at partrolarin Safir hevði fingið maskinbrek eystanfyri Føroyar.
Danska verjuskipið Hvidbjørnen, sum hevur ligið á leiðini og havt eitt eyga við Paul Watson, sleipaði Safir á Leirvíksfjørð, har Tjørnunes og Arun síðani sleipaðu hann víðari inn á Klaksvík.
Og seinni sama dag fekk MRCC boð um, at trolarin Eysturbúgvin hevði fingið maskinbrek vestanfyri Føroyar. Eysturbúgvin varð tá staddur 40 sjómíl vestanfyri Mykines. Ziska sleipaði trolaran inn í Skopunarfjørð, har Rescue Lív tók yvir og sleipaði trolaran síðani inn á Havnina.
Deil á Facebook
