Mynd: StÍF
Í gjár, sunnudagin 19. mars, tóku mennirnir hjá StÍF ímóti Neistanum á høllini á Skála.
Tað gjørdist ein málríkur og spennandi dystur, har heimaliðið dróg longsta stráðið. Dysturin endaði 32-29. Hálvleiksstøðan var 17-17.
Liðini vóru púra jøvn og fylgdust allan fyrra hálvleik og var eisini javnleikur í hálvleikinum. Men nakað inn í seinna hálvleik, so byrjaði heimaliðið spakuliga at draga frá. Og endin var eisini, at StÍF vann við trimum málum.
Toppskjúttar hjá StÍF vóru: Bjarni í Selvindi og Pætur Johansen við 7 málum hvør.
Komandi dystur hjá StÍF verður hósdagin 23. mars á útivølli ímóti Kyndil.
Deil á Facebook
