Amboðsfimleikarar hjá Støkk, sum seinastu dagarnar hava luttikið í kappingini Iceland Classic, megnaðu at vinna íalt fýra heiðursmerki. 1 silvur og 3 bronsur.
Hetta boðar felagið frá á heimasíðu síni.
Ari Poulsen fekk bronsu á gólvi í finaluni hjá dreingjum. Liam Sjúrðarson vann silvur í lopi og bronsu á gólvi hjá piltum. Og Teitur R. Lamhauge vann bronsu á gólvi hjá piltum.
Kappingin varð hildin í hølum hjá Gerpla í Kópavági og feløgini, sum luttóku, vóru úr Føroyum og Íslandi. Íslendsku feløgini vóru Gerpla, Björk, Keflavík, Stjarnan og Ármann. Úr Føroyum luttóku Støkk og Ljósið.
Felagið letur væl at góðu venjingarleguna og spennandi luttøkuna í Iceland Classic og sigur at øll hava fingið nógv burturúr túrinum, sum hevur verið ein stór uppliving, serliga fyri yngru amboðsfimleikararnar, ið kappaðust uttanlands á fyrsta sinni.
Í dag kemur hópurin aftur til Føroyar aftaná seks dagar í Íslandi.
Myndir: Støkk
Deil á Facebook
