Mynd: Hans Kristian Eyðunsson Hansen
Fótbóltssamband Føroya
Nú er greitt, hvør møtir hvørjum í 1. umfari í kappingini um Løgmanssteypið, og í innleiðandi umfarinum og 1. umfari í steypakappingini hjá kvinnum.
Mánakvøldið var lutakast um, hvussu spælast skal í 1. umfari í kappingini um Løgmanssteypið, sum er steypakappingin hjá monnum, og hvør møtir hvørjum í innleiðandi umfarinum og í 1. umfari í steypakappingini hjá kvinnum.
Hjá kvinnum háttaði lutakastið seg soleiðis, at í innleiðandi umfarinum møtast FC Hoyvík og 07 Vestur, og KÍ og ÍF.
Fjórðingsfinalurnar, kvinnur
HB – KÍ ella ÍF
EBS/Skála – B36
FC Hoyvík ella 07 Vestur – NSÍ
Víkingur – TB/FCS/Royn
Innleiðandi umfarið í steypakappingini hjá kvinnum verður spælt flaggdagin, týsdagin 25. apríl, meðan fjóðingsfinalurnar vera sunnudagin 7. mai.
Løgmanssteypið
Í 1. umfari í kappingini um Løgmanssteypið møtast liðini soleiðis: Víkingur – HB, NSÍ – MB, FC Hoyvík – EB/Streymur, B36 – KÍ, AB – FC Suðuroy, Skála – B71, TB – B68 og ÍF – 07 Vestur.
Dystirnir í 1. umfari verða spældir fríggjadagin 21. og leygardagin 22. apríl.
Deil á Facebook
