Mynd: Tórbjørn Jacobsen
Vælumtøkta og stuttliga spurnarkapping “Av Skipanesi til Æðuvíkar”, sum hevur verið eitt afturvendandi tiltak á eystararmi á Skálafjørðinum, var hildin í gjárskvøldið í Løkshøll í Runavík.
Stúgvandi full Løkshøll av fólki í sera góðum lag. Við væluppløgdum vertum, var undirhaldi allatíðina í topp.
Sonni L. Petersen og Torbjørn Jacobsen, sum báðir eru vælvitandi menn og aktivir býráðspolitikkarir, vunnu kappingina. Í finaluni vunnu teir á Jóannesi Djurhuus og Eli Lassen.
Vinnarinir vunnu steyp, sum í ár eru latin av Hotel Runavík. Inntøkurnar av tiltakinum fara allar til fótbóltsfelagið NSÍ.
Deil á Facebook
