Runavíkar Havn
Í gjár kom eitt ferðmannaskip á Funnings. Runavíkar Havn skrivar soleiðis:
Í morgun kl. 9 kom ferðamannaskipið Sea Spirit frá reiðarínum Posedion Expeditions til Funnings fyri fyrstu ferð. Hetta er annað skipið av trimum, sum koma til bygdina í ár.
Aftur hesaferð gjørdi lokala cruisetoymið eitt framúr gott arbeiði við at taka sær væl av gestunum, ið fóru sera væl nøgdir í smábátarnar aftur kl. 16 í dag. Vitjanin er skipað eftir einum serstøkum leisti, har dentur verður lagdur á at tryggja eitt sosialt burðardygt tiltak. Hond verður tikin um upplivingina hjá ferðafólkunum, frá tí tey koma, til tey fara.
Plattahandanin fór fram á kaiini, har umboð frá skipinum, umboðsfelagnum FMS og Runavíkar havn luttóku.
Dagurin gekk sera væl, og vit ynskja Sea Spirit, manning og ferðafólki eina góða ferð víðari.
Myndir: Runavíkar Havn
Deil á Facebook
