Í komandi viku byrjar ársins G! festivalur, har høvuðsnøvnini m.a. skulu framføra á stóra pallinum á Sandinum í Syðrugøtu.
Men í longri tíð hevur sandurin verið ov lítil, tí veður og vindur ikki veruliga hevur spælt við í seinastuni, og tískil er nú neyðugt við átøkum at vaksa um sandin munandi.
Sum skilst, so kemur stóri pallurin til Syðrugøtu hósdagin, og tá má sandurin verða so mikið stórur, at hann trygt kann standa uttan at sjógvurin kann arga fyrireikingarnar.
Tí vórðu menn í dag farnir til arbeiðis at vaksa um sandin, sum myndirnar eisini vísa.
Myndir: Eysturoyarportalurin
Deil á Facebook
