Nes kommuna
Trivnaðarnevndin, borgarstjórin, barnagarðsleiðslan og umsitingin fyri Nes kommunu vitjaðu dagstovnar í Klaksvík fríggjadagin 29. sept.
Vitjað varð í tveimum dagstovnum, útibarnagarðinum Fjallafípuni og barnagarðinum Baldursbrá, sum er úti á Norðoyri.
Nes kommuna fer í næstum at umrøða, hvussu ein møgulig útbygging á dagstovnaøkinum skal fara fram. Endamálið við vitjanini var tí at kunna seg um, hvussu Klaksvíkar kommuna skipaði sína seinastu útbygging á dagstovnaøkinum.
Eyðstein Poulsen, formaður í Trivnaðarnevndini børn og ung, greiddi frá saman við dagstovnaleiðslunum og umboðum fyri umsitingina í Klaksvíkar kommunu.
Nes kommuna vil fegin takka fyri góða móttøku og áhugaverda framløgu.
Deil á Facebook
