Framherji í Fuglafirði, yvirtók mánadagin nýggja Høgaberg, sum er bygdur á Karstensens Skipsværft í Skaagen.
Nýggji Høgaberg er 88 metrar langur og 17 metrar breiður. Hann lastar 3400 tons og kostar 340 milliónir krónur.
Høgaberg loysti í dag úr Skagen og er á veg á svartkjaftaveiðu í føroyskum sjógvi. Eftir tann túrin er ætlanin at skipið skal koma á Fuglafjørð á fyrsta sinni.
Høgni Hansen, er skipari hendan fyrsta túrin, meðan Jógvan Ingvard Olsen, sonur Anfinn Olsen er annar skipari.
Sí niðanfyri myndir av nýggjasta skipinum í føroyska flotanum.
Myndir: Karstensens Skibsværft A/S
Deil á Facebook
