Mikukvøldið 21. februar 2024 var Jens á Skipagøtu í Leirvík og helt fyrilestur fyri rógvarum frá Kappróðrarfelagnum Tindi. Yvirskriftin var “Mentalt íkast”.
Tiltakið var hildið í snøggu miðhøllini í Leirvíkar Skúla, og okkurt um 55 rógvarar vóru savnaðir til tiltakið.
Jens á Skipagøtu, ið er kendur sum mentalur venjari frá hondbóltinum, dugdi væl at greiða hugvekjandi frá hugtøkum og háttum, ið eru viðkomandi fyri ítróttarfólk, sum íðka undir høgum trýsti.
Áhoyrararnir fingu høvið at seta spurningar, og annars varð evnið dúgliga umrøtt í kaffisteðginum aftur við einum kakubita.
Myndir: Kappróðrarfelagið Tindur
Deil á Facebook
