Um 19.00 tíðini í kvøld fekk løgreglan boð um at ein lastbilur hevði mist tríggjar kveylur av veiri, á 150 kg hvør, á vegin mitt inni í Leirvíksbygd.
Tvey løgreglubilar komu úr Klaksvík og stongdu vegin, samstudis sum sløkkiliði úr Eysturkommunu kom at rudda vegin.
Førarin av lastbilinum kann vænta sær eina bót og møguliga treytaða frádøming av koyrikortinum fyri hendingina, verður upplýst av løgreglustøðini.
Vegurin var stongdur í umleið 20-25 minuttir, og er nú opin aftur.
Deil á Facebook
