Seinastu dagarnar hevur hetta løgna fremmanda skip verið at sæð í Djúpinum.
Talan er um skipið MV Jomi, sum siglur undir Bahamas flaggið.
Tað hevur í einar 4 dagar siglt spakuliga norð á Oyndarfjørð og so suður á Hagaleitið uttanfyri Leirvík, har tað hevur vent. Hesa somu rutu tað siglt hvønn dag í uml. 4-5 ferðir um dagin.
Hesin løgni atburður hevur eisini vakt ans hjá fólkið í økinum rundanum hesa farðleið.
Eysturoyarportalurin hevur verið í samband við MRCC fyri at frætta hvat hetta er fyri skip. Hjá teimum vita tey ikki meira at siga um skipið, enn tað sum er at lesa á MarineTraffice og Vesselfinder.
Sambært upplýsningunum sum eru til taks, so er farmaskipið ávegis til Reykjavík har tað, eftir ætlan skal verða tann 12. desember.
Skipið er bygt í 1991 og hoyrir undir norska reiðaríði Misje Rederi AS.
Deil á Facebook
