Eysturskot skrivar soleiðis:
Eisini í dag var ein fantastiskur dagur hjá Eysturskot, har teir ognaðu sær øll heiðurmerkini í Nordisk Trap kappingini sum bleiv skotin á breytuni í Leirvík .
Spenningurin var øguligur til allar síðstu dúgvurnar blivu skotnar, bæði í Meistara finaluni og A-finaluni.
Carsten Joensen vann kappingina tá hann rakti 116 dúgvur av 125.
Beint aftanfyri hann bleiv Kristian Johannesen við 115 dúgvun, og 3 plássi tók besti ABT og OL-Trap skjúttin í Føroyum Alex Johannesen.
A-finaluna vann Harry Mikkelsen frammanfyri Jógvan Linklett, og 3 plássi og bronsuna vann unglingin Marius Gaardlykke.
Skjúttar hjá Eysturskot eru bjóðaðir til Ísland at kappast í august, og hettar eru góð tøl at hava við í viðførinum.