Stórur spenningur var í unglingadeildini, tá ið síðsta umfar varð telvað í hølunum hjá Gøtu Talvfelag við Gøtugjógv.
Kappingin hevur verið jøvn alt árið, og innan síðsta dyst lógu Gøtu Tavfelag, Havnar Telvingarfelag og Sandavágs Talvfelag stavn um stavn. GT við 19 stigum, HT við 18 stigum og ST við 17 stigum.
Gøta og Havnin møttust í síðsta dystinum, og har megnaðu dreingirnir hjá GT at vinna 3-1 og blivu sostatt Føroyameistarar.
Endaliga støðan gjørdist
GT1 22 stig
ST 20 stig
KTF 19,5 stig
HT2 19 stig
HT1 18 stig
Rókur 13 stig
Strendur 13 stig
TT 10,5 stig
GT2 9 stig
Deil á Facebook
