Støkk
Fimleikaframsýningarnar hjá Støkk verða 16. og 17. mars í Bylgjuni í Runavík, og í ár eru tær fimm í tali.
Sýningarnar við børnum undir skúlaaldur eru leygarmorgun kl. 10 og 12, meðan blandaðar framsýningar við eldru liðunum eru leygardag kl. 15 og sunnudag kl. 14 og 16.30. Skráin yvir fimleikaframsýningarnar liggur á www.stokk.fo og á Facebooksíðuni hjá Støkk.
Eins og undanfarin ár hevur felagið nógvan fjølbroyttan fimleik at vísa fram, m.a. foreldur og børn, børn 4-6 ár, vanligu liðini frá 1.-10. flokk, kvinnur, styrki og konditión, amboðslið og estetisk kappingarlið. Felagsliðið hjá Støkk við umleið 60 fimleikarum í aldrinum 12-76 ár er eisini á skránni.
Undir framsýningunum verða nálir og ídnisprógv handað.
Felagið skipar fyri páskareggjatombola og kaffisølu í gongini í Bylgjuni báðar dagarnar.
Atgongumerki kunnu keypast við dyrnar ella frammanundan á www.atgongumerki.fo.
G.G! Vegna bygging av svimjihøll er avmarkað við parkeringsplássum rundan um høllina. Víst verður til onnur parkeringspláss í økinum.
Deil á Facebook
