Elduvíksdagur var hildin í góðveðrinum í gjár.
Fitt av fólki var møtt upp í góðveðrinum, har fleiri tiltøk vóru á skrá – bæði úti og inni.
Inni í stóra tjaldinum, sum var uppsett mitt í bygdini, var tað borgarstjórin í Runavíkar kommunu sum helt eina røðu og hugleiddi m.a. um bygdina. Eisini var bókin “Á Dunganum – min bedstefars hus, – en slægtsfortælling“, sum Erik Haraldsen hevur skrivað, umrødd.
Eisini spældu bæði Guðrið Hansdóttir og Sámal Ravnsfjall nakrar sangir, meðan felagssangur eisini var á skránni. Seinni á kvøldinum fór Eysturoyar Dansifelag eisini upp á gólv.
Ikki kann sigast annað, enn at tað var ein stak góður og væl fyriskipaður dagur í Elduvík í gjár.
Myndirnar eigur Tórbjørn Jacobsen





