Hetta er tíðin tá nógvar leikaraflytingar eru millum føroysku feløguni. Eisini er hetta tíðin, tá ið fleiri leikarar standa uttan nakran sáttmála.
Ein teirra, er vágbingurin og álopssinnaði leikarin, Búi Egilsson, sum ongan sáttmála hevur til komandi ár.
Leikarin upplýsir fyri Eysturoyarportalinum, at sáttmálin hjá honum við NSÍ er útgingin og stendur nú uttan felag.
Hann váttar eisini, at einki samband hevur verið ímillum hann og NSÍ um nakran nýggjan sáttmála. Ei heldur hevur hann verið í samband við onnur feløg.
Tískil er tað ivasamt hvar royndi leikarin, sum seinastu 5 kappingarárini hevur umboða NSÍ, spælir í 2024.
Sambært Faroesoccer hevur hann leikt 158 dystir í Betri deildini og skotið 22 mál.
Deil á Facebook
