Boubacar Sidik Dabo – kanska best kendur sum Dabo, er aftur at síggja á vøllinum Toftum. Hetta upplýsir B68 á heimasíðu síni.
Tað var annars í juni mánaða í ár, at tíðindini bórust, at Dabo var givin á Toftum. Jákup á Borg, høvuðsvenjari hjá B68, váttaði tá fyri miðilinum bolt.fo, at partarnir vóru samdir um at steðga samstarvinum.
Men nú endaspurturin í landskappingini er farin í gongd, so far B68 kærkomnan styrk, sjálvt um flytingargluggin í Føroyum er stongdur. Hetta kemst av, at leikaraloyvið hjá leikaranum ongantíð er flutt, men hevur ligið hjá B68 allatíðina.
Sambært Faroesoccer, so hevur Dabo leikt 11 landskappingardystir fyri B68 í ár og hevur skotið 2 mál. Bæði málini vóru skotin móti ÍF í 1-3 sigrinum í Fuglafirði tann 30 apríl.
Deil á Facebook
