Tíðindaskriv
Ein av stóru upplivingunum á Mentanardøgunum í ár verður ein nýggj sjónleikakonsert, har tónleikaheimurin hjá Niels Midjord er miðdepilin.
Niels verður heiðraður í øllum frá rokki til popp og blues – við einum sterkum hópi av tónleikarum og leikarum á pallinum.
Sjónleikakonsertin verður leygarkvøldið 5. september kl 20.
Tað er Dánjal á Neystabø, sum hevur lagt tónleikin til rættis og Kjartan Hansen hevur leikstjórnað.
Á palli vera:
Kjartan Hansen
Dánjal á Neystabø
Høgni Lisberg
Benjamin Petersen
Guðrið Hansdóttir
Bárður Reinert
Marius D.C.
Sjónleikakonsertin er samstundis partur av einum størri tema á Mentanardøgunum í ár, har Niels Midjord verður settur í miðdepilin upp á fleiri ymiskar mátar. Meira at frætta um ymiskt í næstum.
Atgongumerkini fara til sølu í fríggjadagin 21. august kl 12.00 á mh.fo
Áhugin fyri Mentanardøgunum tykist vera stórur í ár – konsertin við Clickhaze, sum verður seinni sama kvøld, var útseld innan eitt samdøgur.
Deil á Facebook
