Afturvendandi ABC vikan, ið leggur dent á sálarliga heilsuna hjá føroyingum, fevnir í ár um tvey tiltøk í Eiðis kommunu. Evnið fyri ársins ABC viku er “Nærumhvørvið og eg – saman um sálarliga heilsu”.
Fyri Eiðis kommunu hevur tað alstóran týdning, at borgarar okkara trívast. Ein stórur partur av tí at trívast, er at hava tað gott sálarliga og at kenna seg hoyra til.
Tað er við hesum í huga, at Eiðis kommuna, saman við Fólkaheilsuráðnum, skipar fyri hesum tiltøkum:
Týsdagin 3. oktober frá klokkan 17.00-18:00, verður fiskikapping fyri børn á keiini á Eiði. Vinningur verður latin til tann, sum fær tyngsta fiskin.
Hósdagin 5. oktober verður bindiklubbur á Látrinum.
Kom við í bindiklubb! Ung sum gomul, takið stokkarnar við. Vit savnast á Látrinum, til eina hugnaliga løtu við stokkum og einum góðum práti. Sjálvandi verður kaffi og køka eisini at fáa.
Bindiklubburin er frá klokkan 19.00-21.00. Bæði tiltøkini eru ókeypis.
Deil á Facebook
