Skála ÍF skrivar:
Skála ÍF fegnast um at kunngera, at Poul N. Poulsen er settur sum høvuðsvenjari hjá besta mansliði felagsins. Talan er um ein tvey ára sáttmála.
Poul er eitt kent andlit í felagnum. Hann er uppvaksin í Vági og kom sum 20 ára gamal til Skálar at spæla fótbólt. Poul spældi 124 dystir fyri felagið. Í dag er hann búsitandi á Skála saman við Olinu og børnunum.
Hóast sín unga aldur hevur Poul longu fleiri ár á baki sum venjari. Umframt at hava verið ungdómsvenjari og hjálparvenjari í okkara felagi í nógv ár hevur hann verið høvuðsvenjari hjá NSÍ kvinnum og hjálparvenjari hjá U21-landsliðnum hjá monnum. A-venjaraprógvið kom í hús í 2024.
Nú fegnast vit um, at hann hevur játtað seg til at taka við stýrisvølinum hjá besta mansliðnum, og vit gleða okkum at síggja hann á síðulinjuni.
Vælkomin Poul – og bestu eydnu.
Deil á Facebook
