Fíggjarmálaráðið
Løgmaður hevur nú valt limirnar, ið skulu manna Føroya váðaráð komandi fýra árini.
Sambært § 22 í løgtingslóg um Landsbanka Føroya og Føroya váðaráð sum seinast broytt við løgtingslóg nr. 73 frá 5. mai 2021 skal løgmaður velja limir í váðaráðið eftir tilmælum frá Landsbanka Føroya (2 limir og 2 varalimir), Búskaparráðnum (1 lim og 1 varalim) og landsstýrismanninum í vinnumálum (2 limir og 2 varalimir).
Limirnir í Føroya Váðaráð eru:
Malan Johansen, stjóri í Landsbanka Føroya, og Ester Hansen, ráðgevi í Landsbanka Føroya, varalimur
Torben Magnus Andersen, phd og professara á Århus Universiteti, og Marita Rasmussen, stjóri á Havstovuni, varalimur
Björn Rúnar Guðmundsson, serfrøðingur hjá Hagstofa Íslands, og Herit Albinus, námslektari á Fróðskaparsetur Føroya, varalimur
Jógvan Thomsen, stjóri á Vinnustovninum, og Gudmundur Effersøe Nónstein, ráðgevi í Tryggingareftirlitinum, varalimur
Ragnfríð Nord Anthoniussen, fulltrúi í Vinnumálaráðnum, og Jóanna Djurhuus, deildarstjóri í Vinnumálaráðnum, varalimur
Deil á Facebook
