Nes kommuna
Herfyri samtykti býráðið at heiðra einstaklingar úr Nes kommunu, sum vinna gull í Norðurlendskum ella altjóða kappingum.
Í vikuni bjóðaði býráðið Narva E. B. Jensen og Hans Petur Højgaard á kommunuskrivstovuna at taka ímóti heiðursprógvi og gávu.
Narvi E. B. Jensen vann gull í compound í Norðurlensku meistarakappingini í bogaskjóting fyri U16, sum var í Svøríki í juli 2025.
Hans Petur Højgaard vann gull í recurve bogaskjóting á Oyggjaleikunum, sum vóru á Orknoyggjum í juli 2025.
Súni í Hjøllum, borgarstjóri, ynskti teimum hjartaliga tillukku og alt tað besta í komandi kappingum, sum standa fyri framman.
Deil á Facebook
