Mynd: KVF
KVF veit at siga, at í fornfrøðiligum víkingaútgrevstri á Velbastað, hava fornfrøðingar funnið gulltráð, silvurring og sjáldsama perlur úr eysturlondum.
Tjóðsavnið hevur síðani 2014 gjørt fornfrøðiligar kanningar niðri á Bakka á Velbastað. Har er talan er um eina bønhústoft við tilhoyrandi kirkjugarði og grøvum.
Millum allar gripirnar, sum eru funnir, er ein gyltur silvurringur frá 8. – 10. øld. Hetta kann helst benda á, at kristindómurin var kendur í Føroyum væl áðrenn vit áður hava hildið. Eisini er ein anglo-saksiskan mynt frá ár 910-915 funnin.
Ein av teimum spennandi gripinum, sum vóru funnir í summar, var ein vovin gulltráður. Gulltráðurin varð funnin í upprunaligu inngongdini til bønhúsið. Tílíkur gulltráður er aldrin áður funnin í Føroyum.
Eisini var ein sjáldsom tilevnað karneol perla funnin. Serfrøðingar halda, at tílíkar tilevnaðar karneol perlur í víkingaøld komu heilt úr Iran, India og Kavkasus. Eisini ein ravperla var funnin í grevstrinum, sum mest sannlíkt er úr víkingaøld og er komin úr Skandinavia.
Enn eru fornfrøðingarnir ikki lidnir á Velbastað og ætlanin er eisini halda áfram við forngrevstri í summar.
Kelda: KVF
Deil á Facebook
