Tíðindaskriv
Heiti: Hevnd
Útgávudagur: 29. august 2025
Rithøvundur: Petur Mohr Reinert
Sjangra: Krimi / ræðusøga
“Hevnd er ein skaldsøga um at missa alt – og velja at taka alt aftur.”
Í august kemur mín debutskaldsøga Hevnd út – ein myrk og psykologisk søga skrivað av Petur Mohr Reinert, ein nýggj rødd í føroyskum bókmentum, sum fer at gera vart við seg, við sínum kompromisleysa málburði og ógvusligu søguskriving.
Søgan snýr seg um happing og hevnd. Hon gongur fyri seg umborð á einum íspunnum frystitrolara í Sørvági og í Havn. Hóast søgan tekur støði í hesum staðarnøvnum, hevur hon onga tilknýting til veruligar hendingar ella persónar. Alt er íspunnið. Tema er happing, sum fer av sporinum, og hvussu tann happaði velur at hevna seg.
Hevnd er fyrsti partur í eini triologi, og lesarar skulu ikki bíða leingi eftir næsta parti.
Petur Mohr Reinert hevur áður skrivað nógv, men hetta er hansara fyrsta skaldsøga. Úrslitið er ein søga, sum bæði er rá og rørandi, og sum setur spurningin: Er tað rætt at hevna seg?
Bókin verður givin út av nýstovnaða forlagnum Tyrpa, sum rithøvundurin sjálvur eigur.
Permumyndin er ein málningur eftir Helenu Dam. Tyrpa hevur greitt bókina til prentingar.
Bókin fæst í bókahandlunum og vanligu sølustøðunum kring landið, og hon verður eisini at fáa í Føroyahúsinum á Vesterbrogade í Keypmannahavn.
Framløga og signering verður í Rit&Rák í SMS fríggjadagin 29. august kl. 17:00.
Og í Miðlalon í Vági leygardagin 30. august kl. 14:00.
Deil á Facebook
