Mennirnir hjá Víkingi, vunnu í kvøld seinnu hálvfinaluna í løgmanssteypinum, tá ið teir, á heimavølli í Sarpugerði, vunnu 2-0 á B68.
Samanlagt vann Víkingur 4-0, og eru teir tískil klárir til steypafinaluna í løgmanssteypinum, har teir møta oddaliðnum og favorittinum úr KÍ. KÍ vann samanlagt 6-1 á AB.
Liðini, Víkingur og KÍ, møttust eisini í steypafinaluni 2016 og 2022.
Málini í kvøld skutu Olaf Bárðarson og Poul Kallsberg.
Finalan verður leikt á Tórsvølli 31. oktober.
Myndir: Turf Roof Productions/ Eysturoyarportalurin
Deil á Facebook
