Sunda kommuna
Komandi vikuskiftið verður ársins Sundalagsstevna hildin í Hvalvík.
Stevnan byrjar við hugnaligum tiltøkum í bygdini í kvøld 12. juni. Stevnan verður sett uttan fyri Mørkina í Streymnesi. Súsanna Eikhólm flytir fram røðu og Eiðis Ljómfelag spælir.
Skráin er sera fjølbroytt og eru nógv ymisk tiltøk á skrá m.a kondibingo, dartkapping, pub-quiz, guðtænasta og nógv annað spennandi.
FM-kappróðurin verður leygardagin kl. 15.00 og sama dag er ymiskt annað fyri børn og vaksin, bæði á havnalagnum og heimi í bygdini.
Sunda kommuna takkar fyrireikarunum og Hvalvíkar – Streymnesar Róðrarfelag fyri, at tey hava lagt stevnuna til rættis, soleiðis at stevnugestir fáa eitt hugnaligt vikuskifti.
Skráin fyri stevnuna sæst her.
Verið vælkomin til Hvalvíkar á Sundalagsstevnu.
Deil á Facebook
