Fótbóltssamband Føroya
Mánadagin 26. mai klokkan 10 fara Eyðun Klakstein og Ólavur Mikkelsen at kunngerða hóparnar til landsliðsuppgávurnar hjá manslandsliðnum og U21, sum eru á skránni fyrst í juni mánað.
Tað verður við nýggjum venjara við stýrisvølin, tá føroyska U21 landsliðið leygardagin 7. juni fer undir eina nýggja EM undankapping.
Fyrr í ár setti Fótbóltssamband Føroya Ólavur Mikkelsen í starv sum venjara hjá U21- landsliðnum, og fyrsta uppgávan verður um tvær vikur, tá Estland kemur á vitjan á Djúpumýru í Klaksvík.
Eisini manslandsliðið skal á vøllin aftur í næstum. Hósdagin 5. juni spæla Georgia og Føroyar venjingardyst í Tblisi, og fýra dagar seinni, 2. hvítusunnudag, mánadagin 9. juni spæla Føroyar og Gibraltar HM undankappingardyst á Tórsvølli.
Í hesum sambandi verður skipað fyri tíðindafundi í Trinstovu á Tórsvølli mánadagin 26. mai klokkan 10:00. Á tíðindafundinum fara landsliðsvenjararnir at kunngerða hóparnar til komandi uppgávur.
A menn (FIFA World Cup 2026)
5. juni Georgia – Føroyar (venjingardystur / kl. 17:00)
9. juni Føroyar – Gibraltar á Tórsvølli (kl. 19:45)
U21 (EM 2027)
7. juni Føroyar – Estland á Djúpumýru í Klaksvík (kl. 18:00)
Atgongumerki fáast til keyps í nethandilinum á FSF.fo og á atgongumerki.fo.
Deil á Facebook
