Eysturoyarportalurin skilir, at í ognarhaganum Heygshagi á Strondum eru fleiri seyðir blivnir vekk, nú fjøllini eru gingin.
Heimildarfólk sum Eysturoyarportalurin hevur tosa við, siga, at fleiri lomb eru blivin vekk í seinastuni. Sagt verður, at seyðurin er sæddur í haganum nýliga og at seyðurin ikki er innkomin í aðrar hagar ella rættir har á leiðini.
Samstundis verður sagt, at eitt brundlomb, sum stóð í rættini yvir nátt, mistonkuliga eisini er vekk.
Heimildarfólkið, sum vit hava tosa er við, veit ikki at siga hvat orsøkin kann verða til hendingarnar.
Í Heygshaga á Strondum ganga 440 áseyðir.
Deil á Facebook
