Dagar og nøvn í álmanakkanum
Halvarðsøka, fyrr í tíðini eisini rópt halvarðsmessa. Verður hildin til minnis um Hallvarð, syskinabarn Ólavs hin Heilaga. Hann doyði í 1042 og er verndarhalgimenni hjá býnum Oslo.
Navnið er norrønt og merkir hella og verja.
Í gomlum álmanakkum ber dagurin eisini navnið Sofia eftir halgikonu, sum læt lív tíðliga í fornkirkjutíðini.
Dagurin er eisini gamla krossmessa. Á gomlu krossmessu verður ongantíð myrkt um náttina.
Kelda: Dagar og nøvn í álmanakkanum, Axel Tórgarð
