Sunda kommuna
112-dagur verður við Margáir í Streymnesi, 20. mai. 2026, kl. 10.00-13.00, fyri børn í 1. 2. og 3. flokki í øllum VEKS økinum.
Allir 1.- 3. floks næmingar úr Vestmanna Kommunu, Eiðis Kommunu, Kvívíkar Kommunu og Sunda Kommunu luttaka á 112-degnum.
Hesin dagurin er skipaður av SSP-samstarvinum í VEKS økinum.
Børnini muga verða ílætin eftir veðrinum, tí tiltakið er uttandura.
Bussar koyra frá øllum skúlunum til Margáir, og frá Margáum aftur til skúlarnar.
Tiltakið er skipað í samstarvi við SSP-lærarar á skúlunum.
Vit gleða okkum at bjóða nógvum fittum børnum vælkomnum.
Deil á Facebook
