Hóast tað enn ikki er almannakunngjørt enn, so er alt komið uppá pláss.
Tróndur Vatnhamar verður nýggjur málmansvenjari hjá bestaliðnum hjá monnum hjá Víkingi.
Ein 1-ára sáttmálið er avtalaður, har hann kemur at venja málmennirnar -Bárður á Reynatrøð og nýggja eykamálverjan Niklas Thomsen.
Við Eysturoyarportalin sigur Tróndur Vatnhamar, at hann gleðir seg til nýggju uppgávuna.
– Hetta er sum næstan at “koma heim”! Eg eri hálvur leirvíkingur og havi havt LÍF tætt inná kroppinum síðani eg varð føddur. Og nógvir í familjuni hjá mær í Leirvík hava spælt við LÍF.
-Og so verður tað sjálvandi eisni spennandi at sleppa, fyri fyrstu ferð nakrantíð, at verða í sama parti sum Sølvi systkinabarnið!
Tróndur hevur seinastu árini verið málmansvenjari hjá B68. Áðrenn tað hevur hann m.a. eisini verið málmansvenjari í bæði B36 og HB.
Deil á Facebook
