P/F Varðin skrivar á heimasíðu síni:
Árliga altjóða fiskivinnumessan í Barcelona byrjaði í gjár og heldur áfram til hósdagin 25. apríl.
Varðin hevur havt bás á hvørjum ári, síðan felagið varð stovnað í 2012, fyrstu árini í Bruxelles, og nú í Barcelona, har messan flutti til fyri nøkrum árum síðan.
Básurin hjá Varðanum hevur verið væl vitjaður. Fólk úr mongum ymiskum londum hava vitjað, bæði gamlir kundar og møguligir nýggir kundar.
Hetta er fyrstu ferð at Varðin hevur bjóðað smakkiroyndir av uppisjóvarfiski. Tað var vársild frá Gutta, og makrelur, sum Annika hevur roykt.
Myndir: P/F Varðin
Deil á Facebook
