Mynd: Hd.se
Heiðamaðurin Viljormur Davidsen, sum umboðar svenska Helsingborg IF í Allsvenskan, leikti í gjár allar 90 minuttinar á vinstra bakki, tá lið hansarar tapti 3-2 á útivøllinum Finnvedsvallen ímóti IFK Värnamo. Viljormur bar liðskipararbandið fyri lið sítt.
Avgerðandi málið bleiv skotið av heimaliðnum í 90 minutti av Marcus Antonsson, sum skeyt øll trý málini fyri IFK Värnamo.
Viljormur og Helsingborg IF eru aftaná hendan dystin á næstaftasta plássi við 14 stigum. Niðast er GIF Sundsvall við einans 10 stigum.
Næsti dystur hjá Helsingborg IF er á útivølli ímóti IFK Göteborg á Gamla Ullevi tann 12. septembur.
Deil á Facebook
