Uppskotið til løgtingslóg um burðardygga ferðavinnu (Ferðavinnulógin) var borið løgtinginum tann 7. mars.
Og nú er málið sett á skrá til tingfundin týsdagin 19. mars. Tingmálið er 6.málið á skránni hendan dagin. Tingfundurin byrjar kl. 10.00.
Øll hoyringssvarini sum blivu send inn til landsstýrismannin í Uttanríkis- og vinnumálum, Høgna Hoydal, í samband við lógaruppskotið kunnu lesast her.
Í alt komu inn 95 hoyringssvar frá borgarum, felagsskapum, kommunum, havnum og fyritøkum.
Uttanríkis-og vinnumálaráðið var á níggju hoyringarfundunum, sum vóru kring landið. Fleiri enn 600 fólk luttóku á hesum fundum upplýsir ráðið.
Deil á Facebook
