Leita á eyp.fo
Ongi úrslit
Undanfarna síða
Leiting av
Næsta síða
31.08.2022 22:32

Tiltak um vinnuliga burðardygd í Gulu Smiðju: Frágreiðingar um burðardygd

Mynd: Gula Smiðja

Hósdagin 6. oktober kl. 14:00 skipar Vinnuhúsið fyri triðja tiltakinum í ár um menning av burðardygd í tínari fyritøku. Hesuferð fáa luttakararnir kunning um tey týdningarmestu rákini innan frágreiðingar/rapportering um burðardygd.

Tiltakið um burðardygd, sum eftir ætlan skuldi vera í Vinnuhúsinum 16. september, er flutt til hósdagin 6. oktober kl. 14:00 – 15:30 í Gulu Smiðju í Saltangará.

Limafyritøkur í Vinnuhúsinum fáa høvi at kunna seg um tey týdningarmestu rákini innan fagreiðingar um burðardygd í fyritøkuni. Tað verður kunnað um leiðreglurnar fyri, hvussu best practice er innan frágeiðingar/rapportering um vinnuliga burðardygd.

Skeiðshaldarar eru Óli Joensen, Januar, og Ana Holden-Peters, serfrøðingur í burðardygd.

Tiltakið er ókeypis fyri limir í feløgunum í Vinnuhúsinum, men neyðugt er at boða frá luttøku í seinasta lagi mánadagin 3. oktober við at senda ein teldupost til industry@industry.fo ella ringja 309900.