Leita á eyp.fo
Ongi úrslit
Undanfarna síða
Leiting av
Næsta síða
18.01.2023 10:06

Støkkarar til Italia á fimleikafestival

Myndir: Støkk

Í juli mánaða fara áleið 55 støkkarar til Riccione í Italia á fimleikafestivalin Festival del Sole. Hetta skrivar Støkk á Facebook vanga sínum.

Í tí sambandi varð skipað fyri einum fundi í Bylgjuni í fyrrakvøldið, har kunnað var um fimleikaliga partin, venjing og annað praktiskt í sambandi við ferðina.

Festival del Sole er størsta fimleikatiltak í Suðurevropa, sum er fyri allar fimleikarar og alt slag av fimleiki. Festivalurin verður fyriskipaður fyri sekstandu ferð í ár.

Støkkhópurin fer úr Føroyum 1. juli og kemur aftur 8. juli.