Sleipnir ríðingarfelag
Nú fimta og seinasta FM kappríðing 2024 er av, so kann ikki sigast annað enn at hetta hevur verið eitt fantastisk kappingarár hjá okkara lítla felagið.
Í samlaðu FM-úrslitunum fyri 2024 eiga vit í Sleipnir ríðingarfelag:
Føroyameistaran í trav – Lív G. Djurhuus og Dropi
Nr. 2 í trav – Simona Tornby og Gígur
Nr. 3 í tvíspor fyri ung – Simona Tornby og Kiljan.
Okkara ungu reiðfólk, 12 ára gamla Simona og 13 ára gamla Lív, hava í gjøgnum summarið samlað sær stig í teimum fimm FM kappingunum – stuttligt var at síggja úrslitið av teirra avrikum á heiðurspallinum í gjár.
Til dagsins kapping í gjár skuldi ganga gott fyri at náa góðu FM-úrslitunum.
Lív og Dropi komu væl frá uppgávuni, og gjørdi ikki mætari enn at vinna trav kappingina við tíðini 36,79, og harvið vunnu tey eisini trygt FM-heitið í trav.
Simona og Gígur travaðu seg til eitt gott 2. pláss í trav við tíðini 39,35, meðan Marner á Glettu vann 3 plássið við tíðini 41,80.
Stigatalvan í toppinum av travkappingini sær tí soleiðis út:
Lív og Dropi 26 stig
Simona og Gígur 21 stig
Marner og Gletta 21 stig
Yrsa og Grettir 14 Stig
Simona og Marner endaðu bæði á 21 stigum, men skjótasta rossið á degnum av teimum báðum vinnur 2. plássið – tí vunnu Simona og Gígur 2. plássið í FM í trav.
Í tvíspor fyri ung lógu okkara Simona og Kiljan, undan seinastu kappingini, á einum deildum 2. plássið í FM.
Á degnum vunnu Simona og Kiljan rittið og eisini bronsu-heiðursmerki.
Av tí at Hanus Patursson, á skjóta hestinum Spirit, runnu so skjótt, at teir vunnu gull-heiðursmerki á degnum, so hálaðu teir seg av 4. plássinum og upp á 2. plássið í samlaða FM.
Okkara Simona og Kiljan vunnu tí bronsu-heiðursmerkið í samlaða FM.
Aftaná kappingina var steypahandan og síðani felagstúrur út á Munnan.
Ein veldigur túrur í góða veðrinum, vit leggja nakrar myndir við.
Eitt gott og stuttligt kappingarár er komið at enda. Vit í Sleipnir ríðingarfelag eru stolt av okkara ungdómi – vit takka øllum rossafólki, fyriskiparum og áskoðarum fyri í ár, og vit gleða okkum longu til kappingarárið 2025.
Myndir: Sleipnir ríðingarfelag
Deil á Facebook
