Tíðindaskriv
Hósdagin 17. oktober var nevndarval á skránni í Skála Ítróttarfelag.
Í starvsnevndini sita í minsta lagið 4 og í mesta lagið 6 limir. Uppgávan hjá starvsnevndini er at seta samtyktir aðalfundanna í verk, at standa fyri rakstrinum av felagnum og at gera reglugerð ella arbeiðsætlan fyri aðrar nevndir.
Meðan 3 limir av verandi starvsnevnd tóku við afturvali, valdu Jógvan Andersen, Steingrím Jacobsen og Petur Anker Poulsen at takka fyri seg eftir 2 setur.
Eftir nevndarvalið kundi staðfestast, at nýggj starvsnevnd er mannað við 5 limum og 1 tiltakslimi.
Nevndin skipað seg
Nýggja nevndin hevur skipað seg soleiðis:
- Jóannes A. Prestá, formaður
- Jóna E. Zachariassen, næstforkvinna
- Rókur V. Nilssen, nevndarlimur
- Sveinur Ellefsen, nevndarlimur
- Jakob Lind Jakobsen, nevndarlimur
- Eyvindur Jacobsen, tiltakslimur
Umsjónarøkir
Harnæst hevur nevndin skipað seg við fylgjandi umsjónarøkjum:
- Umboðan og fyrisiting: Jóannes A. Prestá
- Fíggjarviðurskifti: Jakob Lind Jakobsen
- Fótbóltur vaksin: Sveinur Ellefsen
- Fótbóltur ung: Jóna E. Zachariassen
- Stuðlar og tiltøk: Rókur V. Nilssen
“Vit takka farandi starvsnevndarlimum og ungdómsnevndini stórliga fyri teirra arbeiði” sigur Jóannes A. Prestá, formaður.
Deil á Facebook
